النساء ومنصب الوزارة

من طرف admin السبت فبراير 09, 2008 2:50 pm

قالوا الرجال إن النسا مالهمش في الوزارات
ونهار ابونا مِسا لو حكّموا الستات
في وزارة التموين و الاقتصاد بالذات
حتضيع فلوس البلد في اللبس و البوتيكات
بالذمة ده اسمه كلام
يبقى وزيرنا مدام
واسم البعيد فتكات
يختي عليه لو مشي
يدخل مجالس إشي
لابس قميص شفتشي
من كلمة واحده يختشي..وينزل صويت وعياط
يا اهل العلام والادب
اقروا التاريخ اللي انكتب..فوق الطريق علامات
كليوباترا حكمت بلد
بالحيلة ويّا الجلد
من غير لا خد ولا هات
وكام من وزير كان قفا
جه في الطريق واختفى .. ولهف وراه ألوفات
قصر الكلام يتقال .. مين فيهم اللي يفيد
مش مسالة عضلات
وساعات كتير ستات بيكونوا رجالة
ورجال بطبع النسا
وطالعلهم شنبات

من طرف admin السبت فبراير 09, 2008 2:51 pm

فعلا زمن الرجالة انتهى
وما عدش غير اهات

النساء ومنصب الوزارة

النساء ومنصب الوزارة

رد: النساء ومنصب الوزارة